-->

Thursday, September 30, 2021

అద్దేపల్లి రామమోహనరావు గారి కవిత 'చీకటినాహ్వానిస్తున్న సంజె గుమ్మం'


ఈరోజు ప్రముఖ కవి, విమర్శకులు అద్దేపల్లి రామమోహనరావు గారి జయంతి. ఈ సందర్భంగా నేను వారిపై రూపొందించిన వీడియోలను తిలకించగలరు.
https://youtu.be/NEZWXvhttOU
=======================
అద్దేపల్లి రామమోహనరావు కవిత 'చీకటినాహ్వానిస్తున్న సంజె గుమ్మం'

శ్రుతిలో అపశ్రుతిని దూర్చి పాడినట్లు
సాత్వికాభినయంలో బ్రేక్ డాన్సును ముంచి ఆడినట్లు
ఇంట్లో ఓ కాలూ, వాకిట్లో ఓ కాలూ పెట్టి
వంతెన కింది పచ్చని గుమ్మాన్ని మరిచిపోయినట్లు
సగం ఇంగ్లీషు, సగం తెలుగు
తెలుగువాడి నోట్లోంచి గట్లు తెగుతుంది
నాభిలోంచి వాయువు
గొంతులోంచి ధూమం
రెండూ కలిసి పెదవులదోవల్లోంచి
మాటలు సుడులు సుడులుగా బయటపడతై
రాజకీయ గ్రహాలనించి చలనచిత్ర నక్షత్రాలదాకా
రోజంతా నల్లని వెన్నెల కురుస్తూనే ఉంటుంది
తెలుగు మాట్లాడేటప్పుడు
మొగమంతా కళ్ళలోనే ఉంటుంది
ఇంగ్లీషు వచ్చేటప్పటికి
పెదవులు, కనుబొమ్మలు, బుజాలు
వంకర్లు పోతున్న చేతులు
ఎటుపడితే అటు గంతులేస్తుంటై
ఆ గంతుల్లో పడి
దూర దూర దేశాలన్నీ
ఒకదాన్నొకటి తలలు బాదుకుంటూ ఉంటై
పొద్దుణ్ణించి రాత్రి దాకా
మెదళ్ళ పొలాల మీద ట్రాక్టరులా మోగుతున్న టి.వి.
పసి మట్టిలో టెర్మినేటర్లను నాటుతుంది
వేల, లక్షల ఇంగ్లీషు మీడియమ్ స్కూళ్ళ
శబ్దాలతో బద్దలైపోతున్న ఆకాశం
పసి నెత్తురులో ఎక్కడి మేఘాల వాననీళ్ళనో కలిపేస్తుంది
తెలుగు వేషాలేసుకుని
మనని కౌగిలించుకుంటున్న
ఇంగ్లీషు సినిమాలు, బీభత్సం ప్రవహించినంతమేరా
పసి ఆత్మల్ని నీళ్ళ బొమ్మలుగా మార్చి
మోసుకుపోతూ ఉంటై
సంస్కృతి నా యిల్లైతే
భాష నా వీథి గుమ్మం
సంస్కృతి నా జీవితమైతే
భాష నా శ్వాస మార్గం
సంస్కృతి నా అమ్మైతే
భాష నా ఆరాధన గీతం
వీథి గుమ్మాన్ని మోత రాకుండా
వాడు పగలగొడుతుంటే
ఇల్లు కన్నీటి గోడలై పునాదుల్లోకి యింకిపోతుంది
శ్వాస మార్గాల్ని కొత్త యాసలు కోసేస్తుంటే
జీవితం చీలికలైన నాలుకల్లోకి వలస పోతుంది
ఆరాధన గీతానికి
పడమటి గాలి పుటం పెడితే
అమ్మ గుండెలోని సముద్రాలన్నీ
కెరటాల్ని ఒడ్డు మీదికి రాల్చేసుకుంటై
ప్రజల కళ్ళలోని పాపల్ని
లాగేసుకుని పారిపోయేవాణ్ణి
సింహాసనాలు వెనక్కి పిలిచి సత్కారాలు చేస్తై
బందిపోట్ల కళ్ళలోని ఖడ్గాలకి
అంజలిపట్టి ఆహ్వానాలు పలుకుతై
అధికార భాషాసంఘాలు
తెలుగుగూళ్ళు కట్టుకుంటుంటే
అమాతృభాషల వరదలొచ్చి
గూళ్ళ నీళ్ళలో విముక్తి పొందుతై
పసి ప్రశ్నల వెన్నెల చేతులు
ఆకాశ నక్షత్రాల్ని ఏరుకుంటున్నప్పుడు
ఆరుబయట మంచం మీద పడుకుని
నాన్న చెప్పే అద్భుత కథల వెలుగు లేదు
పసి కౌగిళ్ళ మనసు కదలికల్ని
తరతరాల పేగుల వాగుల్లో తేలుతూ వచ్చిన
పూలలోకి ఒంపుకుని
అమ్మ పాడే స్త్రీల పాటల,జానపదాల, వీరగాథల
ముద్రలు లేనే లేవు
చిన్నప్పుడే నైటింగేళ్ళు చెవుల్లోంచి లోపలికి పోయి
నెత్తురు తోటల్లోని కోయిలల్ని
నిశ్శబ్దారణ్యాల్లోకి తరిమేస్తున్నె
వేమన్నలు సుమతులు ఆంధ్ర నాయకులు
రైముల చిందులేసే కాళ్ళకింద నలిగిపోయి
గాయాలతో గత కాలాల్లోకి వలస పోతున్నారు
మెకాలే కలలకి యిప్పుడు కాళోచ్చి
జాతి చర్మం చించి లోపలికి నడిచి
అస్తిత్వపు రంగుని మార్చడం మొదలయింది
ఈ మొదలుకి బోదెలు తవ్వుతున్న తెలుగు చేతులు
అ ఆ ల్ని కలుపు మొక్కలుగా విసిరేసుకుంటే
ఒక సంస్కృతి
మట్టికేసి తల బాదుకుని మూర్ఛపోతుంది -
'మనతనం'
సగం అట్లాంటిక్ లో, సగం పసిఫిక్ లో
పడి కొట్టుకుపోతుంది-
ఆత్మాభిమాన భాషని
మన మట్టిలో పాతుకుంటే
చెట్టై లేచి నింగినంటేది
మాతృదేశమే!
=======================
"Talathoti" అనే నా Youtube Channel ను Subscribe చేసుకోని వారైతే 
www.youtube.com/TALATHOTI
 పై లింక్ ను ఇప్పుడే Subscribe చేసుకొండి! నా Facebook page అయిన " Telugulitt" Page 
www.facebook.com/telugulitt
ని పై లింక్ క్లిక్ చేసి ఇప్పుడే Follow కావాలని మిమ్మల్ని కోరుకుంటున్నాను. ఈ వీడియో మీకు నచ్చితే Like, Share , Comment చేయండి!
~ డాక్టర్ తలతోటి పృథ్విరాజ్
www.talathoti.com
www.litt.in
WhatsApp:9963299452
=======================
బమ్మెర పోతన(స్తుతి )పద్యాలు-01:
https://youtu.be/FQlNiP5Kpf0
బమ్మెర పోతన (గజేంద్ర మోక్షం) పద్యాలు-02:
https://youtu.be/namITxBLR8w
బమ్మెర పోతన (ప్రహ్లాదుడు) పద్యాలు-03:
https://youtu.be/R7mZQl97Q4g
బమ్మెర పోతన (వామనావతారం) పద్యాలు-04:
https://youtu.be/nhJcaf34g1Q
బమ్మెర పోతన (కృష్ణలీలలు) పద్యాలు-05:
https://youtu.be/px32EhbqD3Y
ఎర్రన స్ఫురదరుణాంశు పద్యం-01:
https://youtu.be/2LNMSxTYr6g
భాస్కర రామాయణం పద్యాలు:
https://youtu.be/fdoF2KiB2G0
పోతన కంజాక్షు పద్యం:
https://youtu.be/bqc534VeZ64
అల్లసాని పెద్దన పద్యాలు:
https://youtu.be/ANwoXDTyvfo
నన్నయ పద్యాలు:
https://youtu.be/NVy-SmtX00Q
నన్నయ నుతజలపూరితంబులగు పద్యం:
https://youtu.be/Ai5qN2lgucw
నంది తిమ్మన పద్యాలు:
https://youtu.be/jw-M_aCDRi4
తెనాలి రామకృష్ణుని చాటు పద్యాలు:
https://youtu.be/nB3qQu6DS08
ధూర్జటి కాళహస్తీశ్వర శతకంలోని కొన్ని పద్యాలు:
https://youtu.be/9Vl7N9ddbHc
కవిసార్వభౌముడు శ్రీనాథుని పద్యాలు:
https://youtu.be/dNTFV46hIac
తిరుపతి వేంకట కవుల పద్యాలు:
https://youtu.be/7R4f-PrBN0U
భోజరాజీయంలోని గోవ్యాఘ్ర సంవాదం:
https://youtu.be/5tBmtnadEiU
గుర్రం జాషువా సాలీడు పద్యాలు:
https://youtu.be/f9sAjaKX-x4
అమృతాంజనం పై జాషువా చమత్కార పద్యం:
https://youtu.be/JYIk2Qlbiqs
జాషువా "పిరదౌసి లేఖ":
https://youtu.be/l_6zkAma0bg
మాల దాసరి పూర్తి ఇతివృత్తం:
https://youtu.be/wszLeAadxaQ
విశ్వనాథ సత్యనారాయణ:
https://youtu.be/CkldUQA7eMQ
కరుణశ్రీ పద్యాలు:
https://youtu.be/dtHloTBd6Zc
గురజాడ అప్పారావు:
https://youtu.be/7QohobynXig

No comments:

Post a Comment