-->

Wednesday, July 7, 2021

Song on Father Stan Swamy by Dr Talathoti Prithvi Raj

 

#FatherStanSwamy #Kavitalathoti #TalathotiPrithviRaj

ప్రజల పక్షం లేని పార్టీ ఏదైనా, ప్రభుత్వం ఏదైనా... ప్రజా వ్యతిరేకమైనదే! ప్రజలు ఓటేసి నాయకుల్ని ఎన్నుకున్నది దేశ ప్రజల సంక్షేమాన్ని చూస్తారని! సంక్షోభంలోకి నెడతారని కాదు. తెల్లదొరలు పోయి నల్లదొరలు వచ్చారు. ప్రజాధనాన్ని, ఆస్తులను రక్షించాల్సిన ప్రభుత్వాలు సంస్కరణల పేరుతో అయిన వారికి కారుచౌకగా అమ్మేస్తున్నాయి; లూటీ చేస్తున్నాయి ! ఇదేమిటని ప్రశ్నిస్తే... ప్రభుత్వ వ్యతిరేకి అని కూడా కాదు; "దేశద్రోహి"గా ముద్రవేసి శిక్షిస్తున్నాయి. నాడు "తెల్లదొరల" ప్రజా వ్యతిరేక పాలనపై పోరాడిన భగత్ సింగ్, సుఖదేవ్, చంద్రశేఖర్ ఆజాద్, సుభాష్ చంద్రబోస్ వంటివారిని దేశభక్తులుగా గుర్తించి నీరాజనాలు పలుకుతున్నారు. నేడు "నల్లదొరల" ప్రజా వ్యతిరేక పాలనపై మాట్లాడిన వారిని మాత్రం "దేశద్రోహులు" గా ముద్ర వేస్తున్నారు. హక్కులను పరిరక్షించే గొంతులను నొక్కి జైల్లోకి నెట్టేస్తున్నారు. స్వేచ్ఛా, స్వాతంత్ర్యాలను హరిస్తూ శిక్షిస్తారు! మేధావులు మాట్లాడాలి! అది ఏ ప్రభుత్వమైనా... ప్రజా వ్యతిరేక చర్యలను ఎండగట్టాల్సిందే! ప్రజాస్వామ్యాన్ని సంరక్షించుకోవాల్సిందే! ఆదివాసీల హక్కుల గూర్చి పోరాడుతూ ప్రభుత్వం (చే హత్యగావింపబడ్డ) చేతిలో మరణించిన ఫాదర్ స్టాన్ స్వామి గారికి నివాళులు.
"ఎన్నాళ్ళు ఎన్నాళ్ళు ఈ సంకెళ్లు
ప్రజల బాగు కోరే మేధావులకు
హక్కులపై ఉక్కు పాదము
నియంతల రోత క్రౌర్యము
ఓటు విత్తు విత్తితే విషవృక్షం మొలిచింది
ప్రాణాలను తీసే ఫలాలను కాస్తోంది..."
వాయిస్ ఓవర్:
ప్రజలు ఆలోచించాలి! తెల్లదొరలు పోయి నల్లదొరలు వచ్చారు వీరూ దేశాన్ని దోచేస్తుంటే స్వేచ్ఛా, స్వాతంత్ర్యాలను హరిస్తుంటే ఏం చేయాలో ప్రజలు ఆలోచించాలి!!
~ డాక్టర్ తలతోటి పృథ్విరాజ్
గీత రచయిత, గాయకుడు.

No comments:

Post a Comment